Assalamu’alaikum Wr.Wb
Ingkang tansah sinudharsana ibu bupati kabupaten kebumen
Ingkang pantes sinudharsana bapak ketua pembangunan
Kepala sekolah ingkang kinurmatan
Bapak, ibu guru lan karyawan ingkang kula kurmati
Lan siswa siswi kelas X,XI, lan XII ingkang kula tresnani
Langkung rumiyen mangga kula lan panjenengan sedaya tansah
ngucapaken raos syukur dumateng ngarsanipun Allah SWT ingkang sampun maringi
nikmat lan rahmatipun saengga wekdal niki kita saged kempal lan nyeksekakaen
adicara ngresmikaken gedung sekolah niki.
Shalawat ugi salam mugiyo dipunparingaken dumateng nabi
Muhammad saw , keluarganipun, para sahabatipun ugi kaum muslimin ingkang purun
kanthi estu nglampahi ajaran islam. Mugiyo kita sedaya kelebet golongan ingkang
pikantuk syafa’atipunwonten ing yaumul qiyamah. Amin ya robbal ‘Alamin.
Para rawuh sedaya ingkang kula kurmati
Kaparenga kula minangka pranata adicara badhe ngaturaken
runtuting adicara ngresmikaken gedung menika. Runtuting adicara ing wekdal
punika inggeh menika :
- Adicara angka sepisan pambuka
- Kalajengaken adicara ingkang angka kalih, atur pambagyaharja saking kepala SMA Negeri 1 Kebumen
- Ndungkap adicara ingkang angka tiga, atur pambagyaharja saking bapak ketua pembangunan
- Adicara ingkang angka sekawan, wedharing pangandikan ingkang hamengku gati saking ibu bupati kabupaten kebumen lan ngresmikake gedung
- Minangka pungkasaning adicara inggih punika panutup
Hadhirin wal
hadhirat, kaum muslimin lan muslimat rahimakumullah, mekaten menggah urut
reroncening adicara peresmian gedung sekolah ing dinten punika. Mugi-mugi
adicara ingkang sampun karantam menika sageta lumampah kanti rancag winantu
barakahipun Gusti Allah SWT.
Para rawuh ingkang bagya mulya
Minggah adicara ingkang kapisan inggih
menika pambuka, mangga kita wiwiti adicara punika kanthi waosan basmalah.
Bismillahirahmanni rahiim.
Kita lajengaken adicara ingkang angka
kalih inggih menika atur pambagyaharja saking kepala SMA Negeri 1 Kebumen.
Dumateng Ibu ................... wekdal dipun sumanggakaken.
------- atur pambagyaharja saking
kepala SMA Negeri 1 Kebumen.-------
Kaaturaken agunging panuwun
dhumateng panjenenganipun ibu kepala sekolah
SMA Negeri 1 kebumen ingkang sampun kepareng paring
pangandikan.
Para rawuh ingkang kula kurmati
Sakderengipun acara ingkang utami yaiku
ngresmikaken gedung ingkang InsyaAllah diresmekaken dening ibu bupati. Mangga
kita sedaya langkung rumiyen mirengaken ,
atur pambagyaharja saking bapak ketua pembangunan. Dumateng ingkang kula
kurmati Bapak ................., wekdal sacekapipun kaaturaken. Sumangga.
atur
pambagyaharja saking kepala pembangunan.
Para rawuh ingkang tansah kinurmatan
Mekaten pangandika saking ketua
pembangunan ingkang sampun dipun sampekakaen. Lan adicara salajengipun inggih
menika adicara kaping sekawan wedharing pangandikan ingkang hamengku gati
saking ibu bupati kabupaten kebumen lan ngresmikake gedung dening ibu bupati.
Dumateng ingkang kula kurmati Ibu ............ kula sumanggakaken.
-------------- atur pambagyaharja lan ngresmikake
gedung dening bupati.-----------------
Kaaturaken agunging panuwun dhumateng
panjenenganipun ibu bupati kebumen ingkang sampun kepareng paring pangandikan lan sampun ngresmikaken
gedung.
Para rawuh ingkang bagya mulya
Mekaten adicara peresmian gedung sekolah ing wekdal
punika. Dipunlajengaken adicara ingkang pungkasan inggih punika panutup.
Lan sakderenge adicara niki kula tutup, kula
ingkang mbeta adicara niki, bilih menawi wonten kalepatanipun kula nyuwun
agunge pangapunten dumateng panjenengan sedaya. Lan mangga adicara niki kita
tutup kelawan waosan hamdalah. Alhamdulillahi rabbil ‘Alamiin.
Wassalamu’alaikum Wr.Wb
Tidak ada komentar:
Posting Komentar